TEWENEWS, Muara Teweh – Heh Mang, Cil, Kaka, Ading… Barito Utara lagi kurang aman nih. Dalam beberapa bulan terakhir, penipu silih berganti pake baju baru. Ujung-ujungnya sama haja, mancing duit pian pake janji manis.
Ada 3 kasus besar di Barut nang lagi viral banar:
Pertama, Kasus Arisan Bodong “KDA” – Korban Rugi Ratusan Juta
Nang tanggal 27 April 2026 kemarin, Polres Barut sudah menerima laporan mang. Ada seorang inisial KDA nang dilaporkan karena buka arisan tambah minjam duit pake janji untung besar.
Korban inisial AP ngaku rugi Rp145 juta. Nang inisial LN rugi Rp106,5 juta. Nang inisial RF rugi Rp50 juta. Ujar buhannya,
“Ujarnya cair, pas jatuh tempo duitnya hilang, orangnya kada kawa dihubungi lagi”.
Nang Kadua, SPK Palsu “Shanum Chicken” – Duit Milyaran Amblas
Nah ini nang lagi panas di FB. Ada inisial AR alias “Shanum Chicken” nang nawarakan SPK proyek Nipindo Group lawan PT Bima. Ujarnya proyek triliunan, cair cepat.
Korban inisial AM ujar buhannya sudah setor duit muka lawan duit operasional sampai ratusan juta, bahkan milyaran. Tapi sampai wayah ini proyeknya kada ada, duitnya kada babulik. Nang kaya ini ngarannya SPK palsu mang ae. Kasus ini ujar buhannya sudah masuk Satreskrim Polres Barut.
Katiga neh, Modus Paling Heboh: Tanah Hutan 5 Juta Dijanjikan 150 Juta
Nah nang ini kasusnya paling rami. Ada nang nawari “Mang, beli haja tanah hutan 5 juta. 1 tahun lagi perusahaan bebaskan 150 juta”.
Limbad di bebaskan perusahaan Nang manukar tanah liut kada dapat duitnya, jangankan modal salawi rupiah kada tabulik.
Logikanya di mana mang? Perusahaan ganal nang duitnya banyak, masak iya mau beli tanah lewat kumpul receh 5 juta dari warga? Kalau bener 5 juta jadi 150 juta, si penipu kada usah ngajak urang, gadai rumahnya sorang sudah sugih banar.
Ujar warga Muara Teweh: “Kan ga logis mang, perusahaan hebat tu cari untungnya, kada mau rugi”
PESAN UNTUK WARGA BARUT – DINGARKAN BAIK-BAIK:
mang, Cil, kita ini urang Barut harus pina pintar. Penipu tu pintar mamadah. Ciri-cirinya gampang:
1. Ujarnya untung kada kawa dipikir: 5 juta jadi 150 juta, 100 juta jadi 200 juta sebulan. Nang kaya ini 99% tipu bang.
2. Handak duit muka dulu: Ujarnya “biaya admin”, “uang jaminan”, “DP SPK”. Kalau handak duit dulu, tahan dulu.
3. Suratnya kada kawa dicek: SPK-nya ujar buhannya asli, tapi pas dicek ke kantor Nipindo kada ada. Tanahnya ujar buhannya sah, tapi di BPN kada terdaftar.
Jadi kaya apa caranya mang?
1. Sebelum transfer, tanyakan RT, BPN atau lansung ka Polres dulu. Malu saikit kada apa, daripada duit habis.
2. Amun sudah terlanjur, jangan takutan melapor. Banyak warga ujar “Amun kada jadi duit gasan apa jua jar buhannya”. SALAH BESAR Mang! Justru melapor ke polisi itu kuncinya. Mun ada LP, rekening si penipu kawa diblokir. Mun diblokir, buhannya takutan lawan babulikakan duit pian.
Kami Tewenews.id siap jadi kawan pian. Amun ada nang merasa jadi korban lawan modus sama, silakan DM redaksi. Nangaran pian dirahasiakan, nang penting urang Barut lain kada ketipu lagi.
Kita jaga Barut kita sorang Mang. Jangan sampai kampung kita jadi sarangnya penipu dan jangan hakun Kana tipu lagi.(Tim)
